डिजिटल मिडिया प्रदेशाध्यक्ष सिध्दार्थ भोकरे यांना जीवे मारण्याची धमकी दिल्या मुळे आरोपीला त्वरित अटक करण्याची मागणी .
मुल सावली शाखे तर्फे पोलिस विभागात निवेदन .
महाराष्ट्र राज्य पत्रकार संघ मुंबई चे डिजिटल मिडियाचे प्रदेशाध्यक्ष मा. सिध्दार्थ भोकरे यांना एका अज्ञात व्यक्तीने निनावी पत्राद्वारे जीवे मारण्याची धमकी दिली गेली आहे, दिनांक १५ मे २०२५ रोजी एका दैनिकात ‘सिंदुर ऑपरेशन ‘ संदर्भात त्यांनी व्यक्त केलेल्या मतनंतर ही धमकी दिली असून त्या पत्रात माफी माग नाहीतर तुला उडवून देऊ असा थेट इशारा देण्यात आला ही घटना पत्रकारांच्या सुरक्षिततेला,व पत्रकारांना धक्का देणारी घटना घडली असून या विरोधात राज्यभरातुन तीव्र विरोध केला जात आहे, पत्रकार संघाचे वतीने संबंधित अज्ञात व्यक्तींवर त्वरित कारवाई करुन त्याला अटक करण्यात यावी आणि सिध्दार्थ भोकरे यांना पोलिस संरक्षण देण्यात यावी अशी मागणी निवेदनाद्वारे करण्यात आली आहे, मुल पोलिस स्टेशन चे प्रभारी ठाणेदार वंजारी यांना महाराष्ट्र राज्य पत्रकार संघ मुंबई शाखा मुल सावली तालुक्याच्या वतीने निवेदन देण्यात आले यावेळी उपस्थित अध्यक्ष सतिश राजुरवार, उपाध्यक्ष रोहित कामडे,संघटक धर्मेंद्र सुत्रपवार, सदस्य डॉ आनंदराव कुडे व सुशांत वाकडे व पदाधिकारी उपस्थित होते, या निवेदनाचा प्रत मा . पोलिस अधीक्षक चंद्रपूर, जिल्हाधिकारी चंद्रपूर, तसेच पत्रकार संघाचे प्रदेशाध्यक्ष गोविंद वाकडे, उपाध्यक्ष प्रा महेश पानसे यांना सादर करण्यात आले, पत्रकार संघाने इशारा दिला आहे की जर लवकरात लवकर आरोपीस अटक झाली नाही व भोकरे यांना सुरक्षा दिली गेली नाही तर राज्य भरातील पत्रकार रस्त्यावर उतरून तीव्र आंदोलनाचा इशारा राज्य अध्यक्ष गोविंद वाकडे, राज्य सरचिटणीस विश्र्वासराव आरोटे राज्य उपाध्यक्ष प्रा महेश पानसे यांनी आधीच दिला आहे.
