श्री.विलास ढोरे,वडसा तालुका प्रतिनिधी,न्यूज जागर
कृषी उत्पन्न बाजार समिती आरमोरी उपबाजार आवार देसाईगंज मार्केट यार्डात सण 2022-23 या सत्रात वर्षात नवीन खरीप हंगामाला सुरुवात झाल्याने मार्केट यार्डात सर्वात आधी ज्या शेतकऱ्याने आपला शेतमाल विक्रीकरिता आणला अशा शेतकऱ्यांचा दिनांक 22/10/2022 रोज शनिवारला शाल ,श्रीफळ व पुष्पगुच्छ देऊन बाजार समितीच्या वतीने सत्कार करण्यात आला.याप्रसंगी कृषी उत्पन्न बाजार समितीचे सभावती नाकाडे साहेब,उपसभापती पासेवर साहेब,संचालक नागदेवे साहेब, समितीचे सचिव निमजे साहेब, राईस मिलर्स प्रभाकरजी डांगे साहेब,समितीचे धान्य अडतीये व धान्य व्यापारी बहु संख्येनी उपस्थित होते.समितीचे सभापती मा.नाकाडे साहेब यांचे हस्ते शेतकरी श्री यादवराव बाबुराव बगमारे उसेगाव याना शाल-श्रीफळ व पुष्पगुच्छ देऊन सत्कार करण्यात आला,तर समितीचे उपसभापती मा.पासेवार साहेब यांचे हस्ते श्री गिरीधर शिवराम मीसार उसेगाव व समितीचे संचालक मा.नागदेवे साहेब यांचे हस्ते श्री बालाजी रामकृष्ण उरकुडे उसेगाव यांचं शाल-श्रीफळ व पुष्पगुच्छ देऊन सत्कार करण्यात आला. या कार्यक्रमाचे प्रास्ताविक कृषी उत्पन्न बाजार समिती आरमोरी चे सचिव श्री निमजे साहेब यांनी केले. त्यांनी प्रस्ताविकातून अडत्या-व्यापारी समस्या व शेतकऱ्यांच्या हिताकरिता समिति काय योजना राबवित आहे या विषयावर मार्गदर्शन केले. शेतकऱ्यांनी आपला शेतमाल बाजार समितीचे मार्केट यार्डातच विकावा. शेतमाल मार्केट यार्डात विकल्यामुळे शेतकऱ्याच्या शेतमालाचा काटा हा इलेक्ट्रानिक काटयाद्वारे अचूक केल्या जाते.बोली पद्धत असल्याने शेतकऱ्यांच्या शेमालाला योग्य भाव मिळतो. शेतकऱ्यांना नगदी चुकारा मिळण्याची हमी. व शेतकऱ्यांना शेतमालावर फक्त ६ टक्के व्याज दराने तारण दिल्या जाते अशाप्रकारे तारण योजनेची महत्वाची माहिती सांगितली.कार्यक्रमाचे सूत्रसंचालन व आभार देसाईगंज शाखेचे शाखाप्रमुख श्री पुरुषोत्तम दुफारे यांनी केले
