औ. प्र. संस्थेमध्ये छत्रपती शाहू महाराज युवाशक्ती करिअर शिबिर संपन्न

देसाईगंज, दि.२६/०५/२०२३

आपल्याला जीवनात यशस्वी व्हायचे असेल तर युवकांनी निराश न होता सातत्याने प्रयत्न केले पाहिजे. जीवनात अशक्य असे काहीही नाही. आपण आपल्या आवडीच्या क्षेत्रात कौशल्य विकसित करून स्वयंरोजगाराची कास धरावी, असे अमूल्य प्रतिपादन आरमोरी विधानसभा क्षेत्राचे आमदार मा. कृष्णाजी गजबे यांनी केले. कौशल्य रोजगार, उद्योजगता व नाविन्यता विभागाअंतर्गत शासकीय औद्योगिक प्रशिक्षण संस्था देसाईगंजच्या वतीने छत्रपती शाहू महाराज युवाशक्ती करिअर शिबिराचे आयोजन संस्थेच्या कार्यशाळेत करण्यात आलेले होते. सदर मेळाव्याचे उदघाटक म्हणून ते बोलत होते. कार्यक्रमाचे प्रमुख अतिथि म्हणून तहसिलदार मा. करिश्मा चौधरी, वडसा पोलिस स्टेशनचे पोलिस निरीक्षक मा.किरण रासकर, देसाईगंज नगरपरिषदेच्या माजी नगराध्यक्षा श्रीमती. शालूताई दंडवते, सुभाष इंजीनीयरिंग चे संचालक मा. मुरलीधर सुंदरकर उपस्थित होते. तसेच विशेष अतिथि म्हणून श्री. राजू एम. मुंडे प्रबंधक भारतीय स्टेट बँक वडसा, तालुका कृषि अधिकारी श्री. नीलेश गेडाम, प्रा. श्री. दिलीप कहुरके, श्री. किशोरजी मेश्राम, श्री. संजय कुथे, श्री. प्रभाकर गोबाडे, श्री. लक्ष्मणजी  रामाणी, व इतर मान्यवर उपस्थित होते. News Jagar 

देसाईगंज तालुक्याचे तहसिलदार मा. करिश्मा चौधरी यांनी उपस्थित उमेदवारांशी संवाद साधून  स्पर्धा परीक्षा बद्दल अमूल्य मार्गदर्शन केले. वडसा पोलिस स्टेशनचे पोलिस निरीक्षक मा.किरण रासकर यांनी गडचिरोली व महाराष्ट्र पोलिस भरती तसेच अग्निवीर योजनेबद्दल विस्तृत माहिती दिली. जिल्हा शिक्षण व प्रशिक्षण संस्थेचे समुपदेशक श्री. प्रभाकर साखरे आणि मा. श्री. पुनीत मातकर यांनी १० वी व १२ वी नंतर शिक्षणाच्या संधी व व्यक्तिमत्व विकास या विषयावर मार्गदर्शन केले. श्री. अनुराग बोरकर यांनी स्वयंरोजगार व शिक्षणाकरिता कर्जाच्या विविध योजने विषयी माहिती दिली. जिल्हा उद्योग केंद्राचे व्यवस्थापक श्री. अतुल पवार यांनी व्यवसाय उभारून उद्योजक होण्याचे ध्येय बाळगण्याचे आवाहन केले. सदर कार्यक्रमाला वडसा, आरमोरी, कुरखेडा व कोरची तालुक्यातील सातशे (७००)युवक व युवतीं सहभागी झाले.

सदर कार्यक्रमाचे अध्यक्षस्थान संस्थेचे प्राचार्य श्री. सुरेश एस.चौधरी यांनी भूषविले. सदर कार्यक्रमाचे संचालन श्री. सतीश मेश्राम व आभार प्रदर्शन श्री. विष्णु नागमोती यांनी केले. सदर कार्यक्रम यशस्वी होण्याकरिता संस्थेचे गटनिदेशक श्री. रविकान्त गोतमारे, श्री. डी. व्ही. सुर, श्री. रविंद्र लोही, श्रीमती. माया जाधव, श्री. गुणवंत वांढरे, श्री. दीपक बोकडे, श्री. राकेश भोयर, श्री, टी. यू. सोयम कु. लता लाडे श्री. संदीप पिलारे हेमंत मरसकोले, गजानन ठाकरे, सुरक्षा रक्षक व संस्थेतील इतर कर्मचारी वृंद यांनी सहकार्य केले.