सावली येथे भव्य दहीहंडी स्पर्धेचे आयोजन
(१) प्रथम पारितोषिक १ लाख रुपये (२) व्दितीय पारितोषिक ५१ हजार रुपये
अभिनेत्री सोनाली कुलकर्णी यांची उपस्थिती
साथ फाउंडेशन व रोहितभाऊ बोम्मावार मित्र परिवाराचे आयोजन
मुल- प्रतिनिधी
सावली शहरात प्रथमच साथफाउंडेशन व रोहितभाऊ बोम्मावार मित्रपरिवार सावली च्या वतीने गोकुळाष्टमीचे औचित्य साधून दहीहंडी स्पर्धेचे आयोजन करण्यात आलेले आहे. या स्पर्धेकरिता प्रथम पुरस्कार 1 लाख रुपये चिमुर विधानसभा क्षेत्राचे आमदार बंटी भाऊ भांगडीया यांच्याकडून तर द्वितीय पुरस्कार 51 हजार रुपये चंद्रपूर मध्यवर्ती बँकेचे संचालक रोहितभाऊ बोम्मावार यांच्याकडून देण्यात येणार आहे. दिनांक 19 ऑगस्ट 2025 रोज मंगळवार ला सायंकाळी चार वाजेपासून सावलीतील पंचायत समिती समोरील पटांगणावर या दहीहंडी स्पर्धेचे आयोजन केलेले आहे.
भव्य दहीहंडी स्पर्धेकरिता प्रमुख आकर्षण म्हणून प्रसिद्ध सिने अभिनेत्री सोनाली कुलकर्णी ह्यांची उपस्थित राहणार आहे. तसेच मुबंई येथील प्रसिद्ध गायिका इशरत जहाँ यांची बहारदार गिताचे कार्यक्रम आयोजित करण्यात आले आहे. या दहीहंडी स्पर्धेचे उद्घाटक म्हणून चिमुर विधानसभा क्षेत्राचे आमदार बंटीभाऊ भांगडीया उपस्थित असून या कार्यक्रमाच्या अध्यक्षस्थानी चंद्रपूर जिल्हा मध्यवर्ती बँकेचे अध्यक्ष रवींद्र शिंदे , तर प्रमुख पाहुणे म्हणून अनेक गणमान्य उपस्थित राहणार आहे. या स्पर्धेत सहभागी होण्यासाठी मोफत प्रवेशिका आहे.तर अधिक माहिती साठी 9422838725 या क्रमांक वर संपर्क साधावा व या कार्यक्रमाला मोठ्या संख्येने उपस्थित राहावे असे आवाहन साथ फाउंडेशन व रोहितभाऊ बोम्मावार मित्रपरिवार च्या वतीने करण्यात आलेले आहे. 
