भारतीय जनता पार्टीच्या वतीने ३५३ वा शिवराज्याभिषेक दिन उत्साहात साजरा
मुल – प्रतिनिधी
भारतीय जनता पार्टी, मूल शहराच्या वतीने छत्रपती शिवाजी महाराजांचा ३५३ वा शिवराज्याभिषेक दिन मोठ्या उत्साहात आणि भक्तिभावाने साजरा करण्यात आला.
यावेळी छत्रपती शिवाजी महाराजांच्या प्रतिमेला पुष्पहार अर्पण करून अभिवादन करण्यात आले. उपस्थित मान्यवरांनी शिवरायांच्या कार्याचा गौरव करताना त्यांच्या राष्ट्रनिष्ठा, स्वराज्याची संकल्पना, सुशासन आणि सर्वसमावेशक नेतृत्व यांचे महत्त्व विशद केले. शिवाजी महाराजांनी स्थापन केलेले हिंदवी स्वराज्य हे आजही प्रेरणादायी असून युवकांनी त्यांच्या विचारांचे अनुकरण करावे, असे मत यावेळी व्यक्त करण्यात आले.
कार्यक्रमात भारतीय जनता पक्षाचे पदाधिकारी, कार्यकर्ते तसेच शिवप्रेमी नागरिक मोठ्या संख्येने उपस्थित होते. उपस्थितांनी छत्रपती शिवाजी महाराजांच्या कार्याचा आदर्श घेऊन समाजहित व राष्ट्रहितासाठी कार्य करण्याचा संकल्प केला.
कार्यक्रमाच्या यशस्वी आयोजनाबद्दल सर्व उपस्थितांचे आभार मानण्यात आले.
