श्री. अरुण बारसागडे,चंद्रपूर जिल्हा प्रतिनिधी,न्युज जागर
सावरगाव,दि. २७/०३/२०२३
नागभीड तालुक्यातील सावरगाव येथील तलावावर विदेशी पक्षी दरवर्षी येत असतात. आणि गेल्या सात ते आठ वर्षांपासून या तलावावर अनेक स्थलांतरित पक्षी येतात. ते विशेषतः परदेशातून प्रवास करत येतात. ( Bar-headed goose) राजहंस जे हिमालय पर्वत (28 हजार फूट उंचीवर उडणारे) हिमालयातून, तिबेट, कझाकस्तान, रशिया आणि मंगोलियामार्गे उडतात. या राजहंस चे थवे येथे येतात.
हे पक्षी हिवाळ्याच्या सुरुवातीलाच ऑक्टोबरच्या महिन्यात महाराष्ट्रासह संपूर्ण भारतात येतात. आणि मार्चच्या शेवटी आणि उन्हाळ्याच्या सुरूवातीस परत जातात.
एका दिवसात 1600 किमी उडण्याची क्षमता असलेल्या या राजहंसाच्या कळपाने सावरगावच्या तलावासह संपूर्ण विदर्भातील तलावांमध्ये तळ ठोकला आहे. त्यांना या तलावाचे वातावरण आवडते म्हणूनच दरवर्षी इथे येत असतात. दोन ते तीन किलो वजनाच्या या राजहंस च्या डोक्यावर आणि मानेवर काळ्या खुणा असतात आणि त्यांचा रंग फिकट राखाडी असतो. त्यांच्या डोक्यावर दोन काळ्या पट्ट्यांसह पांढरा रंग असतो, पाय मजबूत आणि केशरी रंगाचे असतात. त्यांची लांबी 68 ते 78 सेमी आणि पंखांची लांबी 140 ते 160 सेमी आहे.newsjagar
आज सकाळी सावरगाव तलावात दहा 10 राजहंस चे दर्शन झाले. तसेच चक्रांग , तलवार बदक , थापाट्या, नदीसुराई, शेकाट्या, करकोचा, इत्यादी अनेक पक्षी हे पक्षीमित्र व स्वाब संस्था चे अध्यक्ष,यश कायरकर हे पक्षी निरीक्षणाला गेले असता त्यांना निदर्शनास आले. यश कायरकर यांच्याशी संपर्क साधला असता त्यांनी या तलावातील पक्षांबद्दल सांगताना म्हणाले की “पाच सात वर्षापासून या तलावावर रंगीत करकोचा, हे एक-दोन च्या संखेत यायचे . त्यानंतर त्यांच्यासोबतच राजहंस सारखे इतर विदेशी प्रवासी पक्षी येऊ लागले. मात्र आदि ते एक दोन च्या संख्येने यायचे आता हळूहळू त्यांची संख्या वाढून 13 – 14 एवढी झालेली आहे. मात्र मार्च संपत आला तरी हे पक्षी अजूनही परत गेलेले नाही असे ते म्हणाले.” आठवड्या भरापूर्वी पक्षी मित्र रोशन धोत्रे पक्षी निरीक्षणाला गेला असता त्यालाही 14 राजहंस दिसल्याचे यांनी सांगितले.
