श्री.भुवन भोंदे ,प्रतिनिधी न्यूज जागर
देसाईगंज,दि.२८/०२/२०२३
देसाईगंज तालुक्यातील कृषी पंप धारक शेतकऱ्यांना नियमित विद्युत पुरवठा करण्याबाबत देसाईगंज तहसीलदार साहेब यांच्यामार्फत राज्याचे उपमुख्यमंत्री देवेंद्र फडणवीस यांना तालुका काँग्रेस कमिटीच्या वतीने निवेदन सादर करण्यात आले, देसाईगंज तालुक्यातील नागरिकांची उपजीविका पिकावर अवलंबून असून मागील वर्षाच्या नापिकेमुळे शेतकऱ्यांची यावर्षी खरीप हंगामात झालेल्या नुकसानीची भरपाई काढण्यासाठी उपलब्ध सिंचन सुविधा भरोशावर मोठ्या प्रमाणात रब्बी धान पिकाची लागवड केली असून शेतीसाठी सुरळीत वीज पुरवठ्याची अत्यंत गरज असताना महावितरण कंपनीने आठ तास विद्युत पुरवठा केलेला आहे त्यामुळे येथील धान पीक नष्ट होण्याची शक्यता बळावली आहे त्यामुळे कृषी पंपांना 24 तास नियमित वीज पुरवठा तात्काळ करण्यात यावा असे निवेदन सादर करण्यात आलेले आहे निवेदन देतेवेळी देसाईगंज तालुक्याचे तालुकाध्यक्ष राजेंद्र बुल्ले, तालुका उपाध्यक्ष संजय करांकर, पोटगाव गावचे माजी उपसरपंच नरेंद्र गजपुरे, तालुका महासचिव मनोहर नीमजे , ओबीसी तालुकाध्यक्ष अरुण कुंभलवार,तालुका युवक काँग्रेस कमिटी देसाईगंज अध्यक्ष पंकज चहांदे, जिल्ह्याचे ओबीसी काँग्रेस कमिटी जिल्हा सचिव मनोज ढोरे, देसाईगंज तालुका सचिव जगदीश शेंद्रे, तालुका सचिव महेंद्र खरकाटे, तालुका सहसचिव अतुल मेश्राम, सागर बनसोड, धनदेव सोनबांवणे, आणि काँग्रेस कार्यकर्ते उपस्थित होते.newsjagar
