मानकापूर येथील शेतकरी वाघाच्या हल्ल्यात जखमी
जितेंद्र बोरकर सावली तालुका प्रतिनिधि
सावली तालुका मानकापूर येथील शेतकरी स्वतःचे गुरे घेऊन चराईसाठी रिंगदेव तलावात गेले असता दबा धरून बसलेल्या वाघाने हल्ला केला. शेजारील शेतातील शेतकरी आरडाओरड केला असता वाघ पळून गेला. सुदैवाने शेतकरी याचे प्राण वाचले.तसेच वनविभागाला गावकऱ्यांनी माहीती दिली.जखमी शेतकरी याला घेऊन बिटाचे वनरक्षक दवाखान्यात भरती केले.ही घटना आज दुपारच्या वेळी 2:10 वा.च्या दरम्यान घडली.
जखमी झालेल्या व्यक्तीचे नाव प्रभाकर विस्तारी वेटे वय,52 वर्ष रा.मानकापूर ,
सावली तालुक्यातील चारगाव बिटात रिंगदेव तलाव आहे.कक्ष क्र.३०२ येथील जंगलात प्रभाकर वेटे हे स्वतः चे जनावरे घेऊन गेले होते. बैल चराई करीत असताना दबा धरून बसलेल्या वाघाने अचानक हल्ला चढविला. यात तो शेतकरी गंभीर जखमी झाला.मानेला मोठ्या जखमा असून छातीवर पंजाचे खुणा आहेत.
जखमीवर ग्रामीण रुग्णालयात उपचार सुरू आहे. पुढील उपचारकरीत सामान्य रुग्णालयात गडचिरोली येथे हलविण्यातआले. वनविभागाने जखमी व्यक्तीला१०हजार रुपये तात्काळ आर्थिक मदत दिली. यावेळी परमेश्वर खेळकर सहाय्यक वनसंरक्षक यांच्या मार्गदर्शनाखाली विनोद धुर्वे वनपरिक्षेत्रअधिकारी,अनिल मेश्राम क्षेत्र सहाय्यक, विकास उईके वनरक्षक,आखाडे वनरक्षक आदीनी मदत केली.
