मारोडा ग्रामपंचायत चे दोन सदस्य अपात्र-अतिक्रमण करणे भोवले

चामोर्शी:-तालुक्यातील मारोडा ग्रामपंचायतचे दोन सदस्य यांनी शासकीय जमिनीवर अतिक्रमण केल्याने त्यांच्या विरोधात जिल्हाधिकारी यांच्याकडे तक्रार करण्यात आली होती त्यामुळे त्यांचे जिल्हाधिकारी यांनी सदस्यत्व रद्द केल्याने त्यांना अतिक्रमण करणे चांगलेच महागात पडले आहे. ग्रामपंचायत मारोडा येथील सदस्य नंदा पुरुषोत्तम बोरकुटे व शेषराव नानाजी जूवारे ग्रामपंचायत सदस्य या दोन्ही सदस्यांचे शासकीय जागेवर अतिक्रमण असल्याने त्यांचे विरोधात एकनाथ नागोबा चलाख यांनी त्यांचे सदस्यत्व रद्द करण्यासाठी जिल्हाधिकारी गडचिरोली यांच्याकडे अर्ज दाखल केला होता. नंदा पुरुषोत्तम बोरकुटे ह्या संयुक्त कुटुंबात राहत असून त्यांचे सासरे हिरामण बोरकुटे व त्यांचे दोन भाऊ देवाजी, गोविंदा तसेच मारोडा ग्रामपंचायत सदस्य शेषराव जुवारे यांचे वडील नानाजी सखाराम जुवारे यांनी सुद्धा मारोडा तलाठी साजा क्रमांक 19 शासकीय जमिनीवर अतिक्रमण करून 1990-91 पासून पीक घेत आहे अशी तक्रार दि.21जून2021ला केली होती. सदर प्रकरणाची चौकशी करून तहसीलदार चामोर्शी यांनी दि.2 जून 2022 ला नंदा बोरकुटे यांचा अहवाल सादर केला असता त्या अहवालामध्ये भूमापन क्रमांक 20/1 आराजी 1.46 हेक्टर आर व शेषराव नानाजी जूवारे ग्रामपंचायत सदस्य मारोडा यांचा अहवाल तहसीलदार चामोर्शी यांनी दि.29 जून2022 ला सादर केला असता त्यामध्ये तलाठी साजा क्रमांक 19 भूमापन क्रमांक 92 आराजी 0.64 आर ही शासकीय वन विभागाची जमीन त्यांच्या कुटुंबातील सह धारकांच्या ताब्यात व कब्जात असून सदर अतिक्रमण जागेवर वहिवाट सुरू ठेवून सदर अतिक्रमित जागेवरती धान पिकाचे उत्पन्न घेऊन अतिक्रमित जागेचा उपभोग घेत आहे. तहसीलदार चामोर्शी यांचे सुस्पष्ट अहवालानुसार नंदा बोरकुटे व शेषराव जुवारे यांनी शासकीय जमिनीवर स्वतःच्या कब्जा वहिवाट कायम ठेवले असल्याचे दिसून येत आहे. त्यामुळे महाराष्ट्र ग्रामपंचायत अधिनियम 1959 चा मुंबई अधिनियम क्रमांक 3 चे कलम 14(1) (ज 3) चा भंग केला असल्याचे निष्कर्ष प्रत पोहोचलो आहे. उक्त अधिनियम कलम 16 (2)अन्वय प्राप्त अधिकाराचा वापर करून जिल्हाधिकारी गडचिरोली यांनी नंदा पुरुषोत्तम बोरकुटे तसेच शेषराव नानाजी जूआरे यांचे ग्रामपंचायत सदस्य रद्द करण्याचे आदेश दिनांक 7 सप्टेंबर 2022 रोजी जाहीर केले आहे. तसेच तक्रारदाराचा अर्ज मान्य करण्यात आला असून दोन्ही सदस्यांचे पद रिक्त झाल्याचे घोषित करण्यात येत आहे असे आदेशात नमूद केले आहे.