गडचिरोली जिल्हा प्रतिनिधी, न्यूज जागर
आरमोरी तालुक्यातील रामाळा येथील वाघाच्या हल्ल्यात आनंदराव पांडुरंग दूधबळे वय 55 वर्ष ठार झाल्याची घटना आज अंदाजे 10 वाजताच्या दरम्यान घडली.
रामाळा येथील रहिवासी असलेले आनंदराव पांडुरंग दूधबळे वय 55 वर्ष हे आपल्या 5 सहकाऱ्यांसोबत शिंधी तोडायला रामाळा बीट जंगलामध्ये गेले होते. सिंधी तोडत असताना मागेहुन दबा धरून बसलेल्या वाघाने त्यांच्यावर हल्ला करून 3 किलोमिटर अंतरावर फरकडत नेऊन त्यांना ठार केले.
या हल्ल्यात एक हात आणि मानेचा भाग खाल्ल्याचे घटनास्थळी दिसत आहे.
या घटनेची माहिती गावातील नागरिकांना मिळाली असता घटनास्थळी नागरिकांनी गर्दी केली.
तसेच या घटनेची माहिती तात्काळ वन विभागाला दिली असता आरमोरी रेंज वन विभागाचे कर्मचारी घटनास्थळी असल्याची माहिती मिळालेली आहे. त्यामुळे या वाघाचा तातडीने बंदोबस्त करावा अशी मागणी परिसरातील नागरिकांनी वन विभागाकडे केली आहे
