श्री.अरुण बारसागडे,चंद्रपूर जिल्हा प्रतिनिधी, न्यूज जागर
सेवाग्राम मेडिकल कॉलेज सेवाग्राम, लायन्स क्लब चंद्रपूर, आणि श्री. गुरुदेव नवयुवक दुर्गा उत्सव मंडळ रत्नापुर यांच्या संयुक्तरित्या“भव्य विनामूल्य मोतीबिंदू डोळे तपासणी व शस्त्रक्रिया शिबीरा”” मध्ये 295 रुग्णांची शस्त्रक्रियासाठी निवड झाली होती. त्यापैकी रूग्णनां यशस्वी शस्त्रकिर्या झाल्यानंतर दि.25 ऑक्टोबर 2022 रोजी रत्नापुर येथे “मोफत चष्मे वितरणाचा कार्यक्रम” संपन्न झाला.
सर्वसामान्य जनतेच्या हिताकरिता सातत्याने झटणारा माजी जि. प. सदस्य तथा अध्यक्ष कांग्रेस कमिटी सिंदेवाही रमाकांत लोधे यांची ओळख आहे. आपल्या सिंदेवाही तालुक्यात सातत्याने गोरगरीब जनतेकरिता त्यांचे नावीन्य उपक्रम सुरु असतात.मागील 18 वर्षा पासून अखंडित हि मोतिबिन्दु उच्चाटनाची चळवळ सुरु आहे.दरवर्षी श्री. गुरुदेव नवयुवक दुर्गा मंडळ रत्नापुर येथे या शिबिराचे आयोजन केले जाते. दि.29 सितेंबर 2022 ला सिंदेवाही तालुक्यातील रत्नापुर येथे दुर्गा माता चौक बसस्टंड येथे नागरिकांकरिता मोतिबिन्दु डोळे तपासणी व शस्त्रकिर्या शिबीर आयोजित केला होता. या शिबिरामध्ये सेवाग्राम येथील नेत्ररुग्णालयातील नेत्रतज्ज्ञ डॉ. अजय शुक्ला आणि त्यांच्या सहकारी डॉक्टरांनी 650 लोकांची मोफत डोळे तपासणी केली. आणि 25 ऑक्टोबर 2022 ला भव्य मोफत चष्मे वाटप करण्याचा कार्यक्रम आयोजित करण्यात आला होता.सदर कार्यक्रमात सर्व रुग्णांना मोफत चष्मे वितरित करण्यात आले.
या प्रसंगी या कार्यक्रमात मा. रमाकांत लोधे माजी जि. प. सदस्य चंद्रपुर तथा अध्यक्ष कांग्रेस कमिटी सिंदेवाही, मंगेश मेश्राम ग्राम पंचायत सदस्य रत्नापुर,संजय गहाने रत्नापुर,टीकाराम कुंभरे, माणिक गेडाम, सामाजिक कार्यकर्त कपिल मेश्राम, कापगते ,सेवाग्राम मेडिकल कॉलेज येथील डॉ. अजहर शेख, डॉ. सचिन ताकसांडे आणि डॉक्टरांची चमू,लायन्स क्लब चंद्रपुर येथील पदाधिकारी,गावातील सामाजिक कार्यकर्तेे व श्री. गुरुदेव नवयुवक दुर्गामंडळतील सभासद उपस्थित होते.
