न्यूज जागर प्रतिनिधी गडचिरोली
वाघाच्या हल्ल्यात मृत्यू पावलेल्या कळमटोला येथील इसमाच्या कुटुंबीयांना खा.अशोकजी नेते यांच्या कडून आर्थिक मदत
गडचिरोली तालुक्यातील पोर्ला वनपरिक्षेत्रांतर्गत येत असलेल्या कळमटोला येथील प्रभाकर तुकाराम निकुरे वय ५८ वर्ष हे दुपारी ३:०० वाजताच्या दरम्यान शेत शिवारात बैल चराईसाठी गेले असता दबा धरुन बसलेल्या पट्टेदार वाघाने अचानक हल्ला करून त्यांना जागीच ठार केले. वाघाच्या हल्ल्यात ठार झालेल्या घटनेच्या संदर्भात माहिती मिळताच गडचिरोली चिमूर लोकसभा क्षेत्राचे खासदार श्री अशोकजी नेते यानी कळमटोला गावाला सदिच्छा भेट देऊन सदर कुटुंबीयाना आर्थिक मदत केली. शासना तर्फे मिळणारे 20 लाख रुपयाची मदत त्वरीत या कुटुंबीयांना द्या. अश्या सुचना वन विभागाच्या सबंधित अधिकारी याना केल्या. विशेष बाब अशी कि, मागील अनेक दिवसापासून पोर्ला वनपरिक्षेत्रांतर्गत येत असलेल्या कळमटोला, जेप्रा, दिभना, या परिसरात वाघाची प्रचंड दहशत असून यामध्ये वाघाने अनेक इसमाच्या नरडीचा घोट घेतलेला आहे. त्यामुळे गावाच्या परिसरातील जनता, नागरिक पूर्णपणे भयभीत झालेली असल्याने या घटनेचा गांभीर्य लक्षात घेता खा.अशोकजी नेते यांनी वाघाचा बंदोबस्त करण्याचे सूचना उपस्थित वनविभागाच्या अधिकाऱ्यांनां याप्रसंगी दिल्या याप्रसंगी खा. अशोकजी नेते, गडचिरोली चिमुर लोकसभा क्षेत्र तथा भाजपा राष्ट्रीय महामंत्री अनु.जनजाती मोर्चा, प्रदेश सरचिटणीस प्रकाशजी गेडाम, विजय अग्रवाल, सुरेश राठोड, संभाजी ठाकरे, वन विभागाचे विभागीय व्यवस्थापक रुपेश पाटील, वन परिक्षेत्राधिकारी एस.बी बोथे तसेच वनविभागाचे कर्मचारी व गावातील अनेक कार्यकर्ते यावेळी प्रामुख्याने उपस्थित होते.
