श्री.विलास ढोरे, वडसा तालुका प्रतिनिधी,न्युज जागर
देसाईगंज,दि.२४/०४/२०२३
Family-dead-in-lightening-at-wadsa-kurkheda-road
वडसा-कुरखेडा मार्गावरील दुग्ध डेअरी (तुळशी फाटा) जवळ वीज पडून अख्खे कुटूंबच ठार झाल्याची घटना दि. २४ एप्रिल २०२३ ला सायं. ५.०० वाजताच्या सुमारास घडली. भारत लक्ष्मण राजगडे (३५) संगीतकार रा. आमगांव ता. देसाईगंज व त्याची पत्नी सौ. अंकिता भारत राजगडे (३०) हे दोघेही पती-पत्नी आपल्या दोन्ही लहान मुल चिऊ राजगडे (१) ,देवांशी राजगडे(४) सह गरगळा येथुन लग्न लावून येत असताना मार्गातच हलक्या पावसाची सुरुवात होऊन वीज कडाइने सुरू झाले. वीज कडाडत असल्याने राजगडे यांनी दुग्ध डेअरी जवळ एका झाडाच्या खाली आसरा घेतला असता अचानक वीज अंगावर पडल्याने राजगडे कुटूंबातील चारही जण जागीच मृत्युमुखी पडले.
भारत राजगडे हे भजन मंडळात गायन करीत होते , पण आज या कुटुंबावर काळाने घाला घातलेले परिसरात हळहळ व्यक्त केल्या जात आहे , राजगड यांच्या पश्चात वृद्ध आई , आणि तीन विवाहित बहिणी आहेत
याबाबत दसाईगंज पोलीसांनी घटनास्थळ गाठून चारही जणांचे शव उत्तरीय तपासणी करीता ग्रामीण रूग्णालय देसाईगंज येथे पाठविले पुढील तपास पो.नि. रासकर यांचे मार्गदर्शनात सुरु आहे.
