श्री.अमित साखरे ,गडचिरोली जिल्हा प्रतिनिधी,न्यूज जागर
आष्टी ,दि. २१/०३/२०२३
जयरामपुर येथील वैभव सदानंद दिवसे (23) या युवकाने सागाच्या झाडाला गळफास लावून आत्महत्या केल्याची घटना दि..२१/०३/२०२३ ला दुपारी उघडकीस आली.NEWSJAGAR
जयरामपूर येथील शेतकरी वासुदेव भाऊजी दिवसे हे दि..२१/०३/२०२३ दुपारी ३ वाजताच्या सुमारास आपल्या शेताकडे गेले असता त्यांना शेतातील एका सागाच्या झाडाला वैभव दिवसे हा दोरीने गळफास घेतलेल्या स्थितीत आढळून आला. याबाबतची माहिती वासुदेव दिवसे यांनी घरी जावून वैभवच्या कुटुंबीयांना दिली. कुटुंबीयांनी घटनास्थळी धाव घेतली. त्यानंतर घटनेची माहिती आष्टी पोलिस स्टेशनला दिली. पोलिस निरीक्षक कुंदन गावडे व पोलिस कर्मचारी यांनी घटनास्थळ गाठून पंचनामा केला. आत्महत्येचे नेमके कारण काय ते कळू शकले नाही. पुढील तपास आष्टी पोलिस करीत आहे.
