श्री.अरुण बारसागडे जिल्हा प्रतिनिधी , न्यूज जागर
ग्रा.पं.सदस्य वैभव पिंपळशेंडे यांनी मानले सुधीर मुनगंटीवारांचे आभार
पोंभूर्णा/२० सप्टेंबर.
तालुक्यातील चेकठाणेवासना येथे मनरेगा विशेष निधी, आमदार निधी आणि जनसुविधा निधी अश्या सुमारे ६० लाख रुपयांच्या विविध विकास कामांचे भूमिपूजन गावातील ज्येष्ठ नागरिक मारोती पा. वाढई, मारोती पा. धोटे आणि भास्कर पा. येलमुले यांच्या शुभहस्ते करण्यात आले.
यामध्ये ३० लक्ष रुपयांचे सिमेंट काँक्रिट रोड, १५ लक्ष रुपये स्मशानभूमी आणि १५ लक्ष रुपये सोलर हाईमास्ट लाईट या कामांचा समावेश आहे. एवढ्या मोठ्या प्रमाणात गावातील मूलभूत गरजा पूर्ण करण्याकरिता लाखोंचा निधी उपलब्ध करून दिल्याबद्दल मंत्री ना. सुधीर मुनगंटीवार यांचे संपूर्ण गावकऱ्यांनी आभार मानले. याआधी चेकठाणेवासना येथे व्यायामशाळा इमारत व साहित्य, सामाजिक सभागृह, क्रीडा साहित्य, ओपन जिम इत्यादी अशा अनेक विकासात्मक गोष्टी सुधीर मुनगंटीवार यांच्या प्रयत्नांनी उपलब्ध झालेल्या आहेत.
यावेळी माजी उपसभापती विनोद देशमुख, सरपंच सुरेखा मेश्राम, उपसरपंच डॉ. नितेश पावडे, सदस्य वैभव पिंपळशेंडे, सुलोचना देवाडे, सुचिता धोटे, संदीप कोडापे, माजी सरपंच प्रभाकर पिंपळशेंडे, भगीरथ पावडे, परशुराम वाढई तसेच गावातील असंख्य महिला व पुरुष मोठ्या संख्येने उपस्थित होते.🔅
