श्री. अरुण बारसागडे, चंद्रपूर जिल्हा प्रतिनिधी, न्यूज जागर
सावरगाव
ग्राम पंचायत वाढोणा , समता फाउंडेशन मुंबई व विनोद भावे ग्रामीण रुग्णालय सावंगी मेघे, यांच्या संयुक्त विद्यमानाने आज वाढोणा या गावात भव्य नेत्र शस्त्रक्रिया तपासणी शिबिराचे आयोजन करण्यात आले.
यावेळेस गावातील व परिसरातील एकूण 189 लोकांची नेत्र तपासणी करण्यात आली. तर यापैकी 91 लोकांची नेत्र शस्त्रक्रिये करता निवड करण्यात आली . ही शस्त्रक्रिया मेघे सावंगी येथील विनोबा भावे रुग्णालयामध्ये केली जाणार आहे.
लोकांना दवाखान्यापर्यंत जाऊन तपासणी न करता गावामध्येच अशा प्रकारच्या शिबिरांचे आयोजन केल्यामुळे गावकऱ्यांना तपासणी करण्यास सोपे जाते व जास्तीत जास्त लोकांना या संधीचा लाभ घेऊन नेत्र तपासणी करता येते.
नेत्रदान तपासणी शिबिराचा कार्यक्रम आयोजित करण्यात आला त्यावेळेस कार्यक्रमाचे अध्यक्ष म्हणून सरपंच देवेंद्र गड गेडाम हे , चिकित्सक डॉ. सुभाषचंद्र दुधे नेत्र चिकित्सक अधिकारी ग्रामीण रुग्णालय शिंदेवाही, डॉ. शितल गायकवाड वैद्यकीय अधिकारी आरोग्य केंद्र वाढोणा, व भगवान बनसोड उपसरपंच वाढोणा, अनिल डोर्लीकर, वासुदेव मस्के, प्रदीप येसनसुरे, मीनाक्षी कोमावार , शशिकला ठाकरे हे संपूर्ण ग्रामपंचायत सदस्य उपस्थित होते.
