चामोर्शी
प्राथमिक आरोग्य केंद्र भेंडाळा येथे अतुलभाऊ गण्यारपवार यांच्या वाढदिवसानिमित्त भव्य रक्तदान शिबिराचे आयोजन केले होते. या शिबिराचे आयोजन त्यागमूर्ती सोनिया गांधी माध्यमिक विद्यालय मोहुर्ली (मो.), भारतरत्न राजीव गांधी माध्यमिक विद्यालय मुरखळा माल, तसेच तालुका सहकारी खरेदी विक्री संघ चामोर्शी यांच्या संयुक्त विद्यमाने केले होते.
रक्तदान हे सर्वश्रेष्ठ दान असून एखाद्याचे प्राण वाचवण्यासाठी रक्त चढवण्याची आवश्यकता असते. अपघात, रक्तस्त्राव, प्रसवकाळ आणि ऑपरेशन ह्यां स्थितींमध्ये रुग्णास अत्यधिक रक्तस्त्राव होण्याची अधिक शक्यता असते. अशावेळी रुग्णांना रक्ताची गरज पडत असते. थैलेसिमिया, ल्युकिमिया, हीमोफिलिया यासारख्या विकारांनी पीडित रुग्णांमध्ये वारंवार रक्ताची आवश्यकता पडत असते. रक्तदान हेच जीवनदान, निरोगी व्यक्तिंद्वारा केलेल्या रक्तदानाचा उपयोग गरजू रुग्णांचे जीवन वाचवण्यासाठी होतो. अशी सामाजिक बांधिलकी लक्षात घेऊन माजी कृषी उत्पन्न बाजार समितीचे सभापती तथा माजी जि प सदस्यअतुल गण्यारपवार यांच्या वाढदिवस निमित्याने रक्तदान शिबिर राबविला गेला.
भव्य रक्तदान शिबिराचे उद्घाटन प्रसंगी, अमोलभाऊ गण्यारपावर नगरसेवक चामोर्शी , सौ. कुंदाताई नरेंद्र जुवारे सरपंच ग्रामपंचायत भेंडाळा, नरेंद्रभाऊ जुवारे सामाजिक कार्यकर्ता, श्रीरंग पाटील म्हशाखेत्री पोलिस पाटील भेंडाळा, सुधीर पाटील शिवणकर सरपंच ग्रामपंचायत मोहूर्ली (मो.), सुनील पाटील कन्नाके सरपंच ग्रामपंचायत सगणापुर, विलास पाटील पोरेड्डीवार सामाजिक कार्यकर्ता, डॉ. साबणे सर वैद्यकीय अधिकारी भेंडाळा, डॉ. मेश्राम साहेब वैद्यकीय अधिकारी मार्कंडा देव, हे उपस्थित होते. कार्यक्रमाच्या यशस्वीतेसाठी ढुंमने सर मुख्याध्यापक त्यागमुर्ति सोनिया गांधी माध्यमिक विद्यालय मोहोर्ली (मो.), तातावर सर मुख्याध्यापक भारतरत्न राजीव गांधी माध्यमिक विद्यालय मुरखळा माल, पोरटे साहेब सचिव खरेदी- विक्री संघ चामोर्शी, सुनील आभरे, सचिन चलकलवार सर, अभिजित साना सर, हरिष गेडाम सर, रमेश शेडमेके सर, विनायक वासेकर सर, ज्ञानेश्वर शिंपी सर, आकाश दुर्गे, गोडसेलवर सर, निमसरकर सर, वेलादी सर, मंगेश हुमने, मंगलभाऊ गुरणुले, चेतन गोर्लावर, संदीप बट्टे सर, चापले भाऊ, नरेश मडावी, भारत मडावी, सिकंदर चौधरी, समीर मडावी, सचिन बोमनवर, अनिकेत कुंभरे, वैभव म्हशाखेत्रि,यांनी सहकार्य केले.
