श्री. अरुण बारसागडे, चंद्रपूर जिल्हा प्रतिनिधी, न्यूज जागर
घुग्घूस
वेकोली वणी क्षेत्राच्या पैनगंगा खदान, कोलगाव, माथोली, कैलाशनगर येथे वाघाचा मुक्त संचार असल्यामुळे या ठिकाणच्या कामगार वर्गात व गावातील नागरिकात भीतीचे वातावरण निर्माण झाले आहे.
दिनांक 30.10.2022 ला सायंकाळी 7.15 वाजता दरम्यान कैलाशनगर मायनर क्वार्टर समोर असलेल्या माथोली येथील एका युवकाच्या गाईवर वाघाने हल्ला करून जखमी केले होते. तर माथोली येथील एका गोठ्यात असलेल्या बकऱ्यावर हल्ला करून तीन बकऱ्या खाऊन टाकल्या तर काही बकऱ्या जखमी असल्याची चर्चा आहे. माथोली, जुगाद, कैलाशनगर, येथे वाघाचा मुक्त संचार वाढल्याने व या गावातील नागरिकांना शेतीसाठी व कामावर तीन पाळीत रात्रौ -दिवस जावे लागत असल्यामुळे या वाघा पासून संरक्षण मिळावे यासाठी माथोली,जुगाद कैलाशनगर गट ग्रामपंचायत सदस्या ऍड. प्रतीक्षा अरुण देऊळकर यांनी वनविभागाचे अधिकारी यांचेशी भ्रमंनध्वनी वरून चर्चा केली व त्यांना घटनास्थळी बोलाविण्यात आले. दिनांक 31.10.2022 ला वनविभागाचे अधिकारी घटनास्थळी येऊन घटनेचा पंचनामा केला तर डॉ. सचिन राजगडकर साहेब यांनी गाईवर उपचार केले , वाघाचा लवकरात लवकर बंदोबस्त करावा अशी मागणी वनविभागाचे अधिकारी यांना ग्रामपंचायत सदस्य ऍड. प्रतीक्षा अरुण देऊळकर यांनी निवेदनातून केली यावेळी निवेदन देताना ग्रामपंचायतचे सरपंच ज्योती माथुलकर, सदस्य मनिषा उरकुडे, सदस्य कुणाल डोये, साखरा ग्रामपंचायतचे सरपंच निलेश पिंपळकर , कोलगाव ग्रामपंचायतचे सरपंच गणेश जेणेकर, माथोली ग्रामपंचायत चे ग्रामसेवक सराटे व गावातील नागरिक उपस्थित होते.
