श्री.अरुण बारसागडे, चंद्रपूर जिल्हा प्रतिनिधी , न्यूज जागर
मूल : ओव्हरटेक करीत असतांना समोरून येणा-या ट्रकने कारला धडक दिल्याने एका निवृत्त पोलीस अधिका-यास जीव गमवावा लागल्याची घटना मूल चंद्रपूर मार्गावर आगडी जवळ घडली.
येथील उपविभागीय पोलीस अधिकारी कार्यालयात वाचक फौजदार म्हणून सेवारत राहीलेले माणीक कुमरे पत्नी सुनिताला दवाखाण्यात दाखविण्यासाठी म्हणून सकाळी १०.३० वा. चे सुमारास स्विप्ट कार क्र. एमएच ३१ डिके २३५० ने चंद्रपूरला निघाले. जानाळा आणि आगडी दरम्यान स्विप्ट कार चालक रितीक मेश्राम रा. मारोडा हा त्याच्या समोरच्या वाहणाला ओव्हरटेक करीत असतांना चंद्रपूर वरून मूलच्या दिशेने भरधाव वेगात येत असलेल्या आयशर ट्रक क्र. सीजी ०८ एटी ०७६९ ने ओव्हरटेक करीत असलेल्या स्विप्ट कारला जोरदार धडक दिली. दरम्यान अपघाताची माहिती होताच मूल पोलीस घटनास्थळी पोहोचले. कारमध्यें दबलेल्या माणीक कुमरे आणि जखमी पत्नी सुनिता आणि कार चालक रितीक मेश्राम यांना घेवून मूल येथील उपजिल्हा रूग्णालयात पोहोचले. परंतू उपचारापूर्वीच गंभीर जखमी झालेले निवृत्त पोलीस उपनिरीक्षक माणीक कुमरे यांचे निधन झाले. पत्नी सुनिता आणि चालक रितीक यांनाही जबर मार लागल्याने प्राथमिक उपचार करून त्यांना जिल्हा सामान्य रूग्णालय येथे रवाना करण्यांत आले. दरम्यान अपघातग्रस्त आयशर ट्रकचा चालक किशन गंगाप्रसाद पटेल रा. बु-हाणपुर याला पोलीसांनी ताब्यात घेतले आहे.
