श्री.अरुण बारसागडे,चंद्रपूर जिल्हा प्रतिनिधी,न्यूज जागर
चंद्रपूर : दुर्गापुरात एका युवकाची क्रूरतापूर्वक हत्या करण्यात आली.भयावह हत्याकांड, आरोपीनी आधी महेश मेश्राम याला मारहाण केली, त्यानंतर धारदार शस्त्राने त्याचं मुंडक धडावेगळे केले
7 नोव्हेंम्बरला रात्री 9.30 ते 10.30 वाजताच्या दरम्यान दुर्गापूर निवासी 35 वर्षीय महेश मेश्राम याची 4 ते 5 जणांनी मिळून हत्या केली. दुर्गापूर मेन रोड वर हे भयावह हत्याकांड घडले, आरोपीनी आधी महेश मेश्राम याला मारहाण केली, त्यानंतर धारदार शस्त्राने त्याचं मुंडक धडावेगळे केले. मृताच्या शिरासोबत फुटबॉल सारखा खेळ खेळल्याचा प्रकार झालेला आहे असे काही प्रत्यक्षदर्शी यांनी बघितले असल्याची चर्चा आहे.
रक्ताच्या थारोळ्यात महेश मेश्राम याचा मृतदेह रस्त्यावर पडलेला होता तर धडापासून मुंडक हे 50 मीटर अंतरावर होते. मृतक महेश मेश्राम याच्यावर अनेक गुन्हे दाखल होते, नुकताच तो कारागृहातून बाहेर आला होता अशी माहिती आहे. आरोपी व मृतकाचा वाद नेमका कशामुळे झाला याबाबत सविस्तर माहिती मिळाली नाही. काही आरोपीनी दुर्गापूर पोलीस स्टेशनमध्ये आत्मसमर्पण केल्याची ही माहिती सूत्रांनी दिली आहे.
