श्री. भारवे साकोली तालुका प्रतिनिधी ,न्यूज जागर
दि.२९/११/२०२२
साकोली
साकोली वनपरीक्षेत्रातील मोहघाटा जंगल वनक्षेत्रात आज दिनांक 29/11/2022ला दुपारी 4 वाजता हत्तीच्या कळपाने एन्ट्री केली असून थोड्याफार प्रमाणात शेतकऱ्यांचा नुकसान केला आहे.
काल रात्रीच्या सुमारास हत्तीचा कळप सानगडी वनक्षेत्रातील झाडगाव, केसलवाडा, सिरेगाव गावाशेजारील शेत शिवारात झाली. शेतकऱ्यांनी शेतातील उभे धान पिक कापून त्याचे पुंजणे शेतात ठेवले होते. त्या पुंजणांची या हत्तीनी नाशधुष केली आहे. आज दुपारी हत्तीचा कळप मोहघाटा वनपरिक्षेत्र येथे असून पुढील प्रवास कोणत्या दिशेला होणार हे निच्छीत सांगता येत नाही. या घटनेची माहिती मिळताच उपवनसंरक्षक राहुल गवई, सहाय्यक वनसंरक्षक राठोड, वनपरीक्षेत्राधिकारी संजय मेंढे, तहसीलदार कुंभरे व वनविभाग तथा महसूल विभागाची मोहघाटा येथे तळ ठोकून आहे. तर महसूल व वनविभाग नुकसानीचे पंचनामे करीत असून शेतकऱ्यांना नुकसान भरपाई मिळावी यासाठी प्रयत्नरत आहे. हत्तीच्या एंट्रीमुळे या परिसरात भीती व त्यांच्या दहशतीचे वातावरण निर्माण झाले आहे. विशेष म्हणजे हत्ती रात्रीच नुकसान करतात आणि दिवसा त्यांचे लोकेशन मिळत नाही. यामुळे वनविभागापुढे आव्हान आहे. शेतात खरीप पिकांसह आता नव्याने रब्बी पिकांची पेरणी झाली आहे. त्यामुळे शेतकरी चिंतेत आहेत. या आलेल्या हत्तींचा बंदोबस्त करण्यासाठी वनविभागाने आपली सर्व यंत्रणा सज्ज केली आहे.
