गडचिरोली तालुक्यात वाघाच्या हल्ल्यात पुन्हा एका महिलेचा बळी गेला.

गडचिरोलीपासून दहा किलोमीटर अंतरावरील  जेप्रा येथे २३ डिसेंबर शुक्रवारी ११.३० च्या सुमारास घडली. गडचिरोली तालुक्यातील जेप्रा येथील दोन महिला (माय लेकी) आज रोजी 23 डिसेंबर ला दिभना लगत असलेल्या अमिर्झा रोडवर आपल्या शेत शिवारात सरपन गोळा करायला गेल्या असता, सुमारे ११.३० वाजताच्या दरम्यान असता अचानक जंगला लगत असलेल्या शेतशिवारात दबा धरून बसलेल्या वाघाने हल्ला केला असता. आरडा ओरड सुरू केला. मुलगी पत्राबाई वसाके वय 50 वर्ष व आई ताराबाई लोनबले वय 65 वर्ष आपले प्राण वाचविण्या करिता इकडे तिकडे पळू लागले, पण ताराबाई बाबुराव लोनबले वर वाघाने हल्ला चढवला व 2 किलोमिटर अंतरावर जंगल परिसरात ठिकाणी फरफटत नेले.

यावेळी तिच्या मुलीने ह्याची माहिती गावातील लोकांना दिली तेव्हा एकच हंबरडा फुटला व शोधाशोध सुरू केले असता मृत अवस्थेत महिला आढलून आली, याची माहिती वनविभाग व पोलिस स्टेशनला देण्यात आली असता वनविभाग कर्मचारी व पोलिस कर्मचारी घटना स्थळी पोहचून पंचनामा करण्यात आला. व शवविच्छेदना करिता रुग्णालय सामान्य गडचिरोली येथे पाठविण्यात आले असल्याची माहिती मिळाली. प्राण्याचे मानवा वरील हल्ले वाढतच चालले असून गावात भीतीचे वातावरण निर्माण झाले आहे. या नरभक्षक वाघाला लवकरात लवकर जेरबंद करण्याची मागणी गावकरी करीत आहे.