गडचिरोली जिल्हा प्रतिनिधी, न्यूज जागर
तालुक्यातील कोनसरी येथील लोहखनिज प्रकल्पात ट्रॅक्टर चालकाचा अपघाती मृत्यू झाल्याची घटना दिनांक 27 ऑक्टोबर गुरुवारी 12 वाजून 20 मिनिटांनी घडली.
कोणसरी लोहखनिज प्रकल्पात गिट्टी भरलेला हायवा ट्रक ट्रॅक्टर वर उलटल्याने ट्रॅक्टर चालक श्री.मिथुन निर्मल मंडल वय 38 वर्ष रा बहादूरपूर ता. चामोर्शी जि. गडचिरोली त्याखाली दबला गेला. व तो गंभीर जखमी झाला त्याला उपचारासाठी आष्टी येथील ग्रामीण रुग्णालयात दाखल करण्यात आले. डॉक्टरांनी त्याला मृत घोषित केले.
मृतक मिथुन मंडल यांच्या मागे पत्नी, तीन मुली व आई वडिल असा परिवार असून या दुर्दैवी घटनेने त्यांच्यावर दुःखाचा डोंगर कोसळला आहे
